السلام عليكم معروض على نوبيرا 2008
هى عاملة 25000 كيلو
انا لسه هشوفها ان شاء الله النهارده
فريكا بره و جوه
السعر المناسب له كام
يا ريت التسعير المناسب
لأنى أن شاء الله هعتمد بعد ربنا على السع اللى هتقلوه
شاكر جدا مقدما
عرض للطباعة
السلام عليكم معروض على نوبيرا 2008
هى عاملة 25000 كيلو
انا لسه هشوفها ان شاء الله النهارده
فريكا بره و جوه
السعر المناسب له كام
يا ريت التسعير المناسب
لأنى أن شاء الله هعتمد بعد ربنا على السع اللى هتقلوه
شاكر جدا مقدما
65 الف تقريبا وممكن تزيد كمان
ال 2009 كانت ب 78 الف
وربنا يوفقك ان شاء الله
أولا أشكر حضرتك على سرعة الرد
ثانيا يعنى لو خلصت على 65 تكون كويسه
باى باى نوبيرا
هتصعب عليا والله العربيه دى اتظلمت كتير وبتنتهى فى صمت
ولا دايم الا وجهه
انا كان قصادي واحدة الجمعة اللي فاتت نوفمبر 2008
14000 كم العربية مفهاش خربوش اتباعت 63000
كانت معروضة في الوسيط وروحت اتفرجت عليها يوم الخميس ( شوفت الاعلان على موقع الوسيط) بس كان صحابها مش موجودين روحت تاني يوم الصبح كانت اتباعت :(
+1اقتباس:
65 الف تقريبا وممكن تزيد كمان
مساء الخير على الجميع
شاكر جدا تفاعلكم مع الموضوع
أنا لسه شايف العربية حالا
التفاصيل: العربية موديل 2008
ترخيص 2/2008
الرخصة تنتهى الشهر الجاى
اللون فيرانى
الحالة : فبركة كاملة فيه حكة فىالباب الخلفى يمين تحت
بطارية جديدة
العداد 23500 كم
السعر : بيتكلم فى 62000 بعد المداولات
ايه رأيكم أخلص ولا إيه ؟؟؟؟؟ يا ترى هى كده لقطه؟؟؟؟؟؟ ولا عادى
التسجيل فى الشهر العقارى كام؟؟
لو حصل نصيب أنقل ملكية ولا أخليه يرخص السنه دى وامشى بتوكيل؟؟؟
طبعا انا كده زودها أوى
بس ده عشمى فيكم
بص احسن سعر ممكن ياخدوه التجار في العربية دي 57 - 58
بس الزبون العادي يجيب 60000-61000
لو انت مستعد تدفع 62000 دي حاجة ترجعلك.....بس عشان لو جرب تنزل سوق السيارات تتمنها ماتحسش انك خسرت فيها
وربنا يبارك ان شاء الله
السلام عليكم
انا لي استفسار هو ليه سعر العربية منخفض كده؟
هى النوبيرا مش عربية كويسه؟
ولا قطع غيارها غالية؟
ولا مش معمره؟
ليه السعر منخفض كده ؟
ليه كل الللى اسأله عنها ميتحمسش لها بالرغم من مواصفاتها؟
هل فيها مشاكل مشهوره بها النوبيرا ؟ طيب لو كان إيه هى العيوب دى؟
أرجو الرد باستفاضه علشان صاحب العربية مستنى منى رد؟
Please help!!!!!!!!!
صباح الفل الاول
العربيه النوبيرا مع اخويا بقالها اكتر من 3 سنين ماشاء الله اداء ممتاز و ثبات ذى الفل
قطع غيار طبعا مش هتكلم .. هى معاه اوتوماتك و فيه ناس كتير مش بتنصح بالاوتوماتك فالنوبيرا بس الحمد لله مظهلرش معاه مشاكل ..
انا شايفها عربيه ممتازه واسعه و قعدتها مريحه جدا ..بس شايف ان الى بيعيبها الصاج بتاعها ( الصاج الخارجى الشاسيه بتاعها قوى ) و استهلاك بنزين عالى نسبيا بس مش قوى ..
العربية ممتازة جدا جدا
انا بالفعل بدور على واحدة بس فى الاسكندرية ما تقلقش منها
نصيحتى
السعر مش هاعرف اقلك عنه حاجه
بس فى لينك لموضوع ممتاز جدا جوا المنتدى ودا تقريبا احسن واحد هيسعرهالك http://www.nilemotors.net/Nile/99835-a.html
أما بالنسبة للنوبيرا فبص يا عم
مبدئيا العربيه مبنيه على انقاض الاوبل فيكترا موديل 94 وشبيهاتها اللى هيا قبل الفيكترا السهم وفى ناس شايفه ان دا عيب وناس شايفاه ميزه وانا شخصيا شايف انه ميزه
1- موتور
قوى جدا وفى السفر هتلاحظ دا كويس جدا .. موتور بيجرى ويأدى بقوه محسوسه حتى مع التحميل والتكييف
2- السحب
ضعيف شويه على الاول والتانى نظرا لوزن العربيه ودا لو قارنتها بحاجه زى الفيرنا او الاكسنت لكن مع الاوكتافيا مثلا مش هتحس بفرق
ام السحب على التالت واللى بعده سحبها جميل جدا وجبار
3- الهيكل المعدنى
الشاسيه قوى جدا والدعامات المعدنيه ممتاذه ويشهد على كدا العربيات النوبيرا اللى خرجت من الحوادث "ربنا يحفظنا"
الصاج الخارجى ضعيف ودا لمعادلة وزن الشاسيه والموتور التقال جدا الضرر الوحيد هوا انها بتتعوج بسرعه لو حد ريح عليها او ركن عليها
4- الناحيه الاقتصاديه
قطع غيار قريبه جدا من اللانوس والاكسنت ويمكن تكون زى اللانوس بالظبط وفى منها مصري وصينى وكورى والمانى ويابانى والغاوى ينقط بطاقيته
اما النزين
200 - 220 كيلو للصفيحه عل السرعات ما بين 40 - 80 كيلومتر
170-200 كيلو للصفيحه عل السرعات أقل من 40 كيلومتر
تصل الى 320 كيلو للصفيحه عل سرعه حوالى 100 -120 كيلو فى طريق سفر بصوره مستمره بدون توقف
5- العفشه
نقطة ضعف النوبيرا وخصوصا لو انت من سكان القاهرة "قاهرة المطبات والحفر" ومع ذلك حلها سهل
لما تبقى تبوظ جلب المقصات عليك بخير فى المستقبل ماتغيرش الجلب بي ولكن شيل المقصات كلها وغيرهم بجوز اسبانى بـ 300 جنيه
الجزئ الاخر من العفشه هوا المساعدين وهما مش وحشين فى النوبيرا وبيستحملوا ولكن بينقلولك احساس الخبط فتحس انهم بايظين ودا عشان المساعدين طريه قوى ومعظم اللى اعرفهم اللى غيروا مساعدين النوبيرا غيروها عشان يحس بالمطبات اقل مش عشان باظوا
6- السعه
واسعه بحر تشيل خمس افراد تقال وسعات بقعد ابنى اللى عنده سنتين ونص على المخدع اللى فى النص كمان وشنطه بسم الله ماشاء الله تشيل بغبا
7- الاوبشن
كل اللى نفسك فيه هتلاقيه هاتلها انت طقم باركينج سينسور او كاميرا ووحدة رفع وكدا يبقى كله فى السليم
مش عارف ايه تانى اللى ممكن تقيم العربيه على اساسه بس اعتقد كدا كفايه واعتقد انى كنت محايد
لكن لما تيجى لنقطة ليه سعرها كدا نرجع نقول حسن السوق ولا حسن البضاعه وانا كان ليا موضوع كامل عن قد ايه النوبيرا مظلومه فى السوق
فى نقطه تانيه بعض الناس بتقول دى تكنولوجيا قديمه ما اتحدثتش من 2002 لكن انا شخصيا شايف انها ميزه من نحية التواجد فى السوق لفتره طويله بنفس الشكل والمكونات ودا اللى مخلى سعر قطع الغيار فى الارض
اما موضوع التكنولوجيا فانا بوجهة نظرى البسيطه شايف انه مش ناقصها غير فتحة اليو اس بى عشان تبقى تكنولوجيا حديثه والله اعلم
وفى الاخر سوق واستخير ربنا واللى ترتحله اعمله
اسف للاطاله بس دى حبيبتى وبحب اتكلم عنها كتير
ودمتم زى الف
اللينك دا هيجاوبلك عن معظم الاسئله اللى بتدور فى دماغك
http://www.nilemotors.net/Nile/89350-a.html
-------------------------------------------------------
أنا مشعرف أقول ايه لحضرتك
ألف شكر على رد حضرتك المستفيض
شىء مزعلنى كل اللى كلمتهم على العربية حتى اللى يمتلكوها وبعض الصنيعية كان ردهم واحد : ( متجيب لانسر أحسن تعرف تبيعها فى أى وقت ومتخسرشى كتير ) وكلهم 0(حتى اللى يمتلكوها) أعطوها سعر غريب أوى من 55000 ألى 57000
انا آسف انى بقول كده لكن ده شىء محير
على فكره أنا من المنصوره
-------------------------------------------------------طبعا اللى بيقول هات لانسر مش اصده 2008 هو يقصد بنفس المبلغ اللى هيدفع في النوبيرا مثلا 62ألف يجيبو لانسر موديل مثلا 2003 مش موديل 2008 ولا حاجة تكون أسهل فى البيع بعدين
أيه بأه !!!!!!!!!!!!!!!!!!!!!!!!!!!!
مش عارف
متشكر على رد حضرتك
هل فيه طريقة للكشف على السيارة عند مركز معتمد مثلا زى عيسى عندنا فى المنصوره؟
طيب لو فيه التكلفة كام؟